അദ്ദിക്ർ

അല്ലാഹുവിന്‍റെ മാര്‍ഗ്ഗം അദ്ദിക്ര്‍ തന്നെയാണ്. തെമ്മാടികളായ കപടവിശ്വാസിക ള്‍ 25: 33 ല്‍ പറഞ്ഞ നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്റിനെ മൂടിവെച്ചും തള്ളിപ്പറഞ്ഞും കൊണ്ട് മനുഷ്യരെ അല്ലാഹുവിന്‍റെ മാര്‍ഗത്തെത്തൊട്ട് തടയുന്നതാണ്. ആത്മാവിനെ പരിഗണിക്കാത്ത അക്രമികളായ ഇക്കൂട്ടര്‍ അവരുടെ ഇംഗിതങ്ങള്‍ക്കനുസരിച്ചും സംഘടനാ താല്‍പര്യങ്ങള്‍ സംരക്ഷിക്കുന്നതിനുവേണ്ടിയും നാഥന്‍റെ സൂക്തങ്ങള്‍ വളച്ചൊടിക്കുന്നവരാണ്. അതുകൊണ്ട് 4: 140 ല്‍ വിവരിച്ച പ്രകാരം അവരും അവരുടെ ശ്രോതാക്കളായ കാഫിറുകളും നരകക്കുണ്ഠത്തില്‍ ഒരുമിച്ച് കൂട്ടപ്പെടുന്നതാണ്. നാഥന്‍റെ സൂക്തങ്ങള്‍ മൂടിവെക്കുകയും അതിന് കുറഞ്ഞ വില വാങ്ങുകയും ചെയ്യുന്ന അവര്‍ അവരുടെ വയറുകളില്‍ തീ നിറക്കുന്നവരാണെന്ന് 2: 174 ല്‍ വിവരിച്ചിട്ടുണ്ട്. 63: 2 അവസാനിക്കുന്നതും നിശ്ചയം അവര്‍ എത്ര മോശപ്പെട്ട പ്രവൃത്തിയാണ് ചെയ്തുകൊണ്ടിരിക്കുന്നത് എന്ന ആശയത്തോടുകൂടിയാണ്. 2: 159-161; 3: 187; 6: 26 വിശദീകരണം നോക്കുക.